Сургалтад ашиглах зөвшөөрөл

GEoEye sheet reader · Хувилбар 2026-09-29 · 2026 оны 9 дүгээр сарын 29

Энэ зөвшөөрөл сонголттой. Үүнийг өгөхгүй байсан ч үйлчилгээг бүрэн ашиглаж болно. Зөвшөөрлийг компанийн админ компанийн нэрийн өмнөөс өгнө.

1. Юуг ашиглах вэ

Зөвхөн танай компанийн баталсан хуудасны хүснэгтийн нүдний зураг болон хүн шалгаж баталгаажуулсан утгыг ашиглана.

Дараахыг ашиглахгүй:

• хуудасны толгой хэсэг (прожект, цооногийн дугаар, бөглөсөн хүн, огноо);
• хүний нэр;
• хуудасны бүтэн зураг;
• бусад компанийн мэдээлэл (компани бүр зөвшөөрлөө өөрөө өгнө).

2. Зорилго

Astro Geo-гийн өөрийн OCR (гар бичмэл таних) моделийг сайжруулах. Энэ моделийг бүх харилцагч ашигладаг тул сайжирсан модель бүх компанид үйлчилнэ.

3. Хадгалалт

Сургалтын мэдээллийг Astro Geo-гийн өөрийн компьютер дээр хадгалж, боловсруулна. Үүнийг гуравдагч этгээдэд дамжуулахгүй, худалдахгүй.

4. Зөвшөөрлөө цуцлах

• Компанийн админ хүссэн үедээ Team хуудаснаас зөвшөөрлөө цуцалж болно.
• Цуцалсны дараа танай компанийн мэдээллийг шинээр сургалтад ашиглахгүй.
• Аль хэдийн сургасан модель сурсан зүйлээ хадгална: түүнээс танай мэдээллийг тусад нь салгаж устгах боломжгүй.

Асуулт байвал teamastrogeo@gmail.com хаягаар холбогдоно уу.

Энэ баримт бичгийг хуульчаар хянуулж байгаа төсөл хувилбар.