Нууцлалын бодлого
GEoEye sheet reader · Хувилбар 2026-09-29 · 2026 оны 9 дүгээр сарын 29
Энэхүү бодлого нь GEoEye sheet reader үйлчилгээг (цаашид «үйлчилгээ») ашиглах явцад Astro Geo (цаашид «бид») ямар мэдээлэл цуглуулж, түүнийг юунд ашиглаж, хэрхэн хамгаалдгийг тайлбарлана. Бид хувийн мэдээллийг Монгол Улсын Хүний хувийн мэдээлэл хамгаалах тухай хуульд нийцүүлэн боловсруулна.
1. Цуглуулах мэдээлэл
- Таны нэр, имэйл хаяг, аль компанийн гишүүн болох;
- нэвтэрсэн огноо, цаг;
- зөвшөөрлийн бүртгэл: аль баримт бичгийн аль хувилбарыг хэзээ зөвшөөрсөн, тухайн үеийн IP хаяг болон хөтчийн (браузер) мэдээлэл;
- хуудасны зураг, тэдгээрээс уншсан утга, таны хийсэн засвар, тэмдэглэл. Хуудсан дээр хүний нэр (жишээ нь хуудсыг бөглөсөн геологичийн нэр) бичигдсэн байж болно;
- ашиглалтын мэдээлэл: хэн, хэзээ, хэдэн хуудас уншуулсан, уншилт амжилттай болсон эсэх.
2. Ашиглах зорилго
- Үйлчилгээ үзүүлэх: хуудсыг уншиж, хадгалж, танай компанийн багт харуулах;
- төлбөр тооцоо: кредит бүртгэх, төлбөр хүлээн авах, и-баримт олгох;
- аюулгүй байдал: зөвшөөрөлгүй нэвтрэлт, буруу ашиглалтыг илрүүлэх, урьдчилан сэргийлэх.
Бид таны мэдээллийг зар сурталчилгаанд ашиглахгүй, бусдад худалдахгүй. Танай компанийн баталсан хуудсыг OCR моделийг сайжруулахад зөвхөн компанийн тусгай зөвшөөрлөөр ашиглана (Сургалтад ашиглах зөвшөөрөл).
3. Эрх зүйн үндэс
- Таны зөвшөөрөл: нэвтрэхдээ өгсөн зөвшөөрөл, мөн компанийн өгсөн сургалтын зөвшөөрөл;
- гэрээ: танай компани болон Astro Geo-гийн хооронд байгуулсан Үйлчилгээний гэрээ.
4. Мэдээлэл боловсруулагчид ба байршил
Үйлчилгээг ажиллуулахын тулд бид дараах байгууллагуудын үйлчилгээг ашиглана. Иймд таны мэдээлэл Монгол Улсаас гадна боловсруулагдана. Нэвтрэхдээ та үүнийг тусгайлан зөвшөөрнө.
- Supabase — өгөгдлийн сан болон файлыг (хуудасны зураг) хадгална. Байршил: Сөүл хот, Бүгд Найрамдах Солонгос Улс.
- DeepSeek — хуудасны зургийг уншина. Байршил: Бүгд Найрамдах Хятад Ард Улс. DeepSeek-ийн өөрийн нууцлалын бодлогод дурдсанаар тэрээр хүлээн авсан мэдээллийг өөрийн моделийг сайжруулахад ашиглаж болох бөгөөд мэдээллийг БНХАУ-д хадгална.
- Cloudflare — вэб програмыг таны хөтөч рүү хүргэнэ. АНУ-ын компани бөгөөд дэлхийн олон улсад сервертэй. Энэ явцад таны IP хаяг, хөтчийн мэдээлэл боловсруулагдана.
- QPay — кредитийн төлбөрийг хүлээн авна. Байршил: Монгол Улс.
Мөн Astro Geo-гийн платформын админууд үйлчилгээг ажиллуулах, дэмжлэг үзүүлэх зорилгоор бүх компанийн мэдээлэлд хандах боломжтой.
5. Хадгалах хугацаа
Танай компани манай харилцагч байх хугацаанд мэдээллийг хадгална. Гэрээ дуусгавар болсноос хойш 90 хоногийн дотор мэдээллийг устгана. Хуульд илүү урт хугацаагаар хадгалахыг шаардсан мэдээллийг (жишээ нь төлбөрийн баримт) тэр хугацаанд хадгална.
6. Таны эрх
Та өөрийн хувийн мэдээлэлтэй танилцах, буруу мэдээллийг засуулах, устгуулах, өгсөн зөвшөөрлөө буцаан авах эрхтэй. Хүсэлтээ teamastrogeo@gmail.com хаягаар илгээнэ үү. Нэвтрэхэд шаардлагатай зөвшөөрлөө буцаан авбал үйлчилгээг цааш ашиглах боломжгүй болно. Компанийн хуудас, түүний мэдээлэлтэй холбоотой хүсэлтийг танай компанийн админтай зөвшилцөн шийдвэрлэнэ.
7. Аюулгүй байдал
- Таны хөтөч болон серверүүдийн хоорондох холболт шифрлэгдсэн (HTTPS).
- Нууц үг ашиглахгүй: нэвтрэхэд имэйлээр ирэх нэг удаагийн холбоос эсвэл кодыг ашиглана.
- Компани бүр зөвхөн өөрийн мэдээллийг харна. Энэ хязгаарлалтыг өгөгдлийн сангийн түвшинд тогтоосон.
- Хуудасны зураг хаалттай санд хадгалагдах бөгөөд зөвхөн эрх бүхий хэрэглэгч нээнэ.
- Төлбөрийн картын мэдээллийг бид хүлээн авахгүй, хадгалахгүй: төлбөрийг QPay болон банкны аппликейшнээр хийнэ.
8. Холбоо барих
Нууцлалтай холбоотой асуулт, хүсэлтээ Astro Geo-д teamastrogeo@gmail.com хаягаар илгээнэ үү.
Энэ баримт бичгийг хуульчаар хянуулж байгаа төсөл хувилбар.